लसुन र प्याजको बोक्राबाट मानव स्वास्थ्यमा हुने लाभ धेरै छन् । हरेक तरकारीका सबै भागमा पोषक तत्व प्रशस्त मात्रामा पाइन्छ । हामीले फोहोर भनेर फ्याँक्ने कतिपय तरकारीका बोक्राहरू यस्तै पोषक तत्वको भण्डार हुन् । यसमध्ये प्याज र लसुनको बोक्रामा भिटामिन र औषधीय गुण पाइन्छ । जसले हामीलाई धेरै प्रकारका स्वास्थ्यसम्बन्धी समस्याहरूमा मद्दत गर्न सक्छ ।

हामीले 'रूट-टू-स्टेम' खाना पकाउने कुरा सुनेका छाैं । यसमा तरकारीको कुनै पनि भाग फ्याँकिदैन । हामीमध्ये धेरैले तरकारीको डाँठ र बोक्रालाई वर्षौंदेखि फोहोरको रूपमा फालिरहेका छाैं । तर वास्तवमा त्यसो गर्नु गलत हो । पुरानो जमानामा तरकारीको कुनै पनि भाग फ्याँकिन्नथ्याे ।

तरकारीका सबै भागमा पोषक तत्व प्रशस्त मात्रामा पाइन्छ । प्याज र लसुनको बाहिरी बोक्रामा भिटामिन ए, सी, ई र अन्य धेरै प्रकारका एन्टिअक्सिडेन्ट गुणहरू पाइन्छ । प्याजको बोक्रामा मुख्यतया फ्लेभोनोइड, एन्टिअक्सिडेन्ट र एन्टी-इन्फ्लेमेटरी गुणहरू पाइन्छ । यस्तो अवस्थामा हामीलाई यसको स्वास्थ्यसँग सम्बन्धित फाइदाहरू र यसलाई कसरी प्रयोग गर्ने भनेर जानकारी रहनु आवश्यक हुन्छ । त्यसपछि मात्र हामी तरकारीकाे विभिन्न भाग फ्याँक्नुअघि एकपटक सोच्नेछाैं ।

आँखाको ज्योति बढाउन उपयोगी

प्याजको बोक्रामा भिटामिन सी र ए प्रचुर मात्रामा पाइन्छ । यी दुवै भिटामिन आँखाको स्वास्थ्यको लागि धेरै महत्त्वपूर्ण छन् । आँखा स्वस्थ राख्न यसबाट बनेको चिया सेवन गर्न सकिन्छ ।

अनिद्राको समस्यामा फाइदाजनक

प्याज र लसुनको बोक्राले अनिद्रामा प्राकृतिक उत्तेजकको रूपमा काम गर्छ । यदि हामी कसैलाई निद्रा लाग्दैन वा बारम्बार निन्द्रा भंग हुन्छ भने यस्ताे समस्यामा लसुन र प्याजकाे बोक्राबाट बनाइएको चिया फाइदाजनक साबित हुन सक्छ ।

छाला चिलाउने समस्याबाट राहत

प्याज र लसुनको बोक्रामा एन्टिफंगल गुण हुन्छ । जसले एथलिटको खुट्टा लगायतका छालाको समस्यालाई कम गर्न प्रभावकारी बनाउँछ । राहतको लागि हामी आफ्नो छालामा पानीमा उमालेको बोक्रा लगाउन सक्छाैं ।

मांसपेशी दुखाइमा लाभदायक

प्याजको बोक्रामा पाइने एन्टिअक्सिडेन्ट गुणले मांसपेशी दुखाइ कम गर्न काम गर्छ । यस अवस्थामा प्याजको बोक्रालाई १०-२० मिनेटको लागि पानीमा उमाल्न सक्छाैं । त्यसपछि यसलाई छानेर सुत्नुअघि चियाजस्तै पिउँदा मांसपेशी दुखाइमा लाभदायी हुन्छ ।

लसुन-प्याजको बोक्राबाट चिया कसरी बनाउने ?

सामग्री
• ३ देखि ४ मध्यम आकारको बोक्रा 
• २ कप पानी 
• १ चम्चा मह

कसरी तयारी गर्ने ?

प्याजको बोक्राबाट चिया बनाउन प्याजको बोक्रालाई पानीमा राम्ररी सफा गर्नुपर्छ । अब पानीको रङ परिवर्तन भइञ्जेलसम्म यसलाई उमाल्ने । त्यसपछि यसलाई छानेर र स्वादअनुसार मह हालेर पिउनुपर्छ ।

(यो लेख सामान्य जानकारीको लागि मात्र हो । यो कुनै पनि हिसाबले औषधि वा उपचारको विकल्प हाेइन । थप परामर्शकाे लागि आफ्नो डाक्टरसँग सम्पर्क गर्नुहाेस् । -लेखक)

प्रकाशित समय : २२:०५ बजे