भरतपुर महानगरपालिकामा गठबन्धनका उम्मेद्वार रेनु दाहालविरुद्ध बागी उम्मेद्वारी दिएका जगन्नाथ पौडेललाई फिर्ता बोलाउन गृहमन्त्री बालकृष्ण खाण बुधबारदेखि चितवनमा छन् । पौडेललाई उम्मेद्वारीबाट पछि सार्ने प्रयास स्वरुप राज्यमन्त्री उमेश श्रेष्ठसमेत विहिबारदेखि चितवनमै छन् ।

सरकारका दुईमन्त्री नै नेपाली कांग्रेसका नेता पौडेलको बागी उम्मेद्वारी फिर्ताका लागि चितवनमा रहेपनि प्रयास सफल भएको छैन । किनकि पौडेल ब्याक नहुने अडानमा छ । उनलाई भेट्न वर्तमान र भूतपूर्व भीभीआईपीहरुको लर्को लागेको छ ।

पूर्वप्रधानन्यायाधीश गोपाल पराजुलीसमेत भरतपुरमै पुगेर पौडेललाई फकाइरहेका छन् ।

उनको उम्मेदवारीले गठबन्धन नै प्रभावित हुने र स्थानीय समिकरण विथोलिने भन्दै मुलुकको शान्ति सुरक्षाको जिम्मेवारी पाएका गृहमन्त्री राज्यको स्रोतसाधनसहित पौडेललाई फकाउन भरतपुर पुगे ।

भरतपुरबाहेक पोखरामा पनि कांग्रेसका विमलबहादुर कार्की, नन्दप्रसाद तिवारीसहित ३ जनाको बागी उम्मेदवारी परेको छ । सत्तारुढ गठबन्धनमा भएको सहमतिअनुसार एकीकृत समाजवादीका धनराज आचार्यले मेयरमा उम्मेदवारी दिएका छन् ।

उपमहानगरका साथै नगर र गाउँपालिकाहरुमा पनि सत्तारुढ गठबन्धनमा आवद्ध दलहरुबाट बागी उम्मेदवारी परेको छ । एमालेको केही कम छ, बागी उम्मेदवारी छ । कांग्रेस सभापति शेरबहादुर देउवाले बिहीबार वक्तव्य जारी गर्दै बागी उम्मेदवारी फिर्ता लिन भनेका छन् ।

प्रकाशित समय : १६:२९ बजे