प्रमुख सत्तारुढ दल नेपाली काँग्रेसको केन्द्रीय समिति बैठकमा अर्थमन्त्रीको राजीनामा मागिएको छ । कांग्रेस केन्द्रीय समिति बैठकमा बोल्ने सदस्यले अर्थमन्त्री जनार्दन शर्माको राजीनामा मागेका हुन् ।

व्यापार घाटा चुलिएको, अर्थतन्त्रका सबै सूचकहरु ओरालो लागेको र सुधारका प्रयास नगरेको भन्दै केन्द्रीय सदस्य प्रकाश स्नेहीले अर्थमन्त्रीलाई बर्खास्त गर्नुपर्ने माग गरेका हुन् । उनले अर्थमन्त्री शर्मालाई बर्खास्त गर्न सभापति एवं प्रधानमन्त्री शेरबहादुर देउवासँग माग गरेका हुन् ।

शनिबार कांग्रेस नेता शेखर कोइरालाले समेत एक सार्वजनिक कार्यक्रममै अर्थतन्त्र सुधार गर्न नसक्ने अर्थमन्त्रीबारे प्रधानमन्त्रीले बेलैमा सोच्नुपर्ने अभिव्यक्ति दिएका थिए ।

प्रकाशित समय : २३:०६ बजे