साताको पहिलो दिन आज सेयर बजार घटेको छ। आइतबार सेयर बजारको परिसूचक ४१.४३ अंकले घटेर २,५७२.२३ पुगेको हो । दिनभर जम्मा २३२ कम्पनीको ८९ लाख २३ हजार ४१ सेयर किनबेच हुँदा ४ अर्ब ९८ करोड ९५ लाख १४ हजार ४१५ रुपैयाँ ७८ पैसाको कारोबार भएको छ । कारोबार भएका कुल कम्पनीमध्ये १६६ कम्पनीको मूल्य घटेको छ भने जम्मा २५ कम्पनीको मूल्य बढेको छ। बाँकी ४ कम्पनीको मूल्य स्थिर छ।

आज कारोबारमा आएका १३ वटा उपसमूहहरूमध्ये नन लाइफ इन्स्योरेन्स बाहेक सबै उपसमूहको सूचक नकारात्मक देखिएको छ। नन लाइफ इन्स्योरेन्सको परिसूचक १.०९ प्रतिशतले बढेको हो । आइतबार जीवन विकास लघुवित्त वित्तीय संस्थाको सेयर १० प्रतिशतले बढेको छ । इमर्जिङ नेपाल लिमिटेड र राष्ट्र उत्थान लघुवित्त संस्थाको सेयर ९.९९ प्रतिशतले बढेको छ । त्यस्तै, सानिमा जनरल लाइफ इन्स्योरेन्सको सेयर ९.६७ प्रतिशत र जनरल इन्स्योरेन्स कम्पनीको सेयर ९.६५ प्रतिशतले बढेको छ ।

नेपाल स्टक एक्सचेन्जकाअनुसार आज अपि पावरको सबैभन्दा धेरै सेयर कारोबार भएको छ । कम्पनीको २७ करोड ५६ लाख ७४ हजार ३९३ रुपैयाँ ५० पैसाको कारोबार भएको हो । 

यसपछि, गुरास लाइफ इन्स्योरेन्सको १७ करोड ५१ लाख २ हजार ८६० रुपैयाँ ४० पैसा, एभरेस्ट इन्स्योरेन्सले १६ करोड ३१ लाख ४७ हजार ६७ रुपैयाँ, सूर्य लाइफ इन्स्योरेन्सको १६ करोड २९ लाख २२ हजार ७२८ रुपैयाँ ६० पैसा र प्रभु इन्स्योरेन्स कम्पनीको १५ करोड ३३ लाख ४० हजार रुपैयाँको कारोबार भएको छ ।