इण्डियन आयल कर्पोरेसन (आइओसी)लै पेट्रोलियम पदार्थको मूल्य बढाएर नयाँ सूची पठाएको छ । नेपाल आयल निगमलाई आइओसीले पेट्रोलियम पदार्थको नयाँ मूल्यसूची पठाएको हो ।

नयाँ सूची अनुसार निगमले १ लिटर पेट्रोल किन्दा इण्डियन आयल कर्पोरेसनलाई ११०.१३ रुपैयाँ तिर्नुपर्ने भएको छ । कर र अन्य लागत जोड्दा निगमको लागत १ सय ८२ रुपैयाँ प्रतिलिटर पुग्ने भएको छ । डिजेलको लागत मूल्य १६९.४४ रुपैयाँ पुगेको छ ।

खाना पकाउने ग्यासको लागत २२ सय ४० रुपैयाँ ३४ पैसा प्रतिसिलिण्डर पुगेको छ । नयाँ आएको मूल्य सूची र अहिलेको बिक्री मूल्यका आधारमा निगमलाई मासिक १० अर्ब रुपैयाँभन्दा बढी घाटा हुने निगमले विज्ञप्तिमार्फत जनाएको छ । अब जसरी पनि मूल्य बढाउनैपर्ने बाध्यता आइपरेको निगमले बताएको छ । यस विषयमा शुक्रबारसम्म निर्णय भइसक्नेछ ।

निगमकाे विज्ञप्ति :

प्रकाशित समय : २१:१२ बजे