गत २४ घण्टामा कोरोना भाइरस संक्रमितको संख्या सयभन्दा कम देखिएको छ । ६ हजार २२० जनाको परीक्षणमा ९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले  जनाएको हो ।

मन्त्रालयका अनुसार २ हजार ६६२ पीसीआर परीक्षणमा ६७ जना र ३ हजार ५५८ एन्टिजेन विधिबाट गरिएको जाँचमा २४ जना संक्रमित फेला परेका हुन् । २४ घण्टामा ३६३ जना काेराेनामुक्त भएका छन् । नेपालमा हालसम्म कुल संक्रमितमध्ये ९ लाख ५८ हजार ५५५ जना संक्रमणमुक्त भइसकेका छन् । हाल निको हुने दर ९८.१ प्रतिशत पुगेको छ ।

साे अवधिका मृत्यु शून्य रहेको छ । शनिबारसम्ममा सक्रिय संक्रमितको संख्या ६ हजार ९४७ मा झरेको मन्त्रालयकाे तथ्यांकमा उल्लेख छ । २४ घण्टामा २ लाख ८६१ जनाले खोप लगाएका छन् । हालसम्म नेपालमा ३ करोड ७६ लाख ८२ हजार ८९० मात्रा खोप लगाइसकिएको मन्त्रालयले जनाएकाे छ ।

प्रकाशित समय : २३:२४ बजे