काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

चिकित्सा शिक्षा स्नातक तहको परीक्षा फाराम पुष १४ देखि भर्न पाइने

16.63K
shares

चिकित्सा शिक्षा आयोगले चिकित्सा शिक्षा स्नातक तहका शैक्षिक कार्यक्रमहरुमा भर्नाका लागि लिने गरि एकीकृत प्रवेश परीक्षाको अनलाईन आवेदन पुष १४ गतेदेखि खोल्ने भएको छ ।

आयोगले यो शैक्षिक सत्रका लागि सम्पूर्ण विश्वविद्यालय, प्रतिष्ठान अन्तर्गतका शिक्षण संस्थाहरुद्वारा सञ्चालन हुने चिकित्सा शिक्षा स्नातक तह अन्तर्गतका विभिन्न शैक्षिक कार्यक्रमहरुमा विद्यार्थी भर्नाको लागि प्रवेश परीक्षा लिने भएकाे हाे । यसका लागि पुष १४ गते बिहान १० बजेदेखि माघ २० गते अपरान्ह ५ बजेसम्म अनलाईन आवेदन भर्न सूचना जारी गरेको छ ।

एमबीबीएस, बीडीएस, बीएससी नर्सिङ, बीएएसएलपी, बी पफर्युजन टेक्नोलोजी पहिलो दिन, बीएमएस, बीएनएस, बीएससी एमआईटी, बी फार्मा, बी एप्टोमेट्री, बीपीटी दोस्रो दिन, बीपीएच तेस्रो दिन परीक्षा हुनेछ । पहिलो दिन सञ्चालन हुने सबै शैक्षिक कार्यक्रमहरुका लागि लिईने परीक्षाको प्रश्नपत्र एउटै हुनेछ । दोस्रो दिनको शैक्षिक कार्यक्रमहरुका लागि लिईने परीक्षा छुट्टाछुट्टै प्रश्नपत्रबाट एउटै समयमा सञ्चालन हुने उल्लेख गरेको छ । सबै शैक्षिक कार्यक्रमको पुर्णाङक २ सय र परीक्षा समयावधि तीन घण्टाको हुनेछ ।

एउटै विद्यार्थीले विभिन्न विषयमा आवेदन दिन चाहेमा परीक्षा नजुध्ने विषयहरुमा आवेदन दिन आयोगले भनेको छ । नेपाली आवेदकको लागि ४ हजार र विदेशी आवेदकको लागि ८ हजार आवेदन शुल्क तोकेको छ ।