नेपालमा पछिल्लो २४ घण्टामा ८ हजार ५४९ जनामा पीसीआर परीक्षण गर्दा ९६१ जना र २ हजार ३६७ एन्टिजेन परीक्षण गर्दा १८५ जनामा कोरोना पुष्टि भएको छ । देशभर पीसीआर र एन्टिजेन परीक्षण गरी १ हजार १४६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार नेपालमा हालसम्म कोरोना संक्रमितको कुल संख्या पीसीआर परीक्षण मात्रै ७ लाख ७५ हजार ५४८ जना पुगेको छ । शुक्रबार कोरोना संक्रमणबाट २१ जनाको मृत्यु भएको छ । यससँगै नेपालमा हालसम्म कोरोनाबाट मृत्यु हुनेको संख्या १० हजार ९२४ पुगेको छ । शुक्रबार १ हजार ६६० जना कोरोनाबाट निको भएका छन् । यससँगै नेपालमा हालसम्म ७ लाख ३६ हजार ६६६ जना संक्रमणमुक्त भएका छन् ।

हाल देशभर सक्रिय संक्रमितको संख्या २७ हजार ९५८ जना रहेका छन् । जसमध्ये २६ हजार २९६ जना होम आइसोलेसनमा रहेका छन् भने १ हजार ६६२ जना संस्थागत आइसोलेसनमा रहेका छन् । कोरोनाका बिरामीमध्ये ४५८ जना आईसीयू र १४५ जना भेन्टिलेटरमा उपचाररत् छन् ।