साताको अन्तिम दिन बिहीबार सेयर बजार दोहोरो अंकले घटेको छ । सेयर कारोबार मापक नेप्से परिसूचक १८.२४ अंकले घटेर तीन हजार १८०.७८ अंकमा पुगेको छ भने ठूला कम्पनीको कारोबार मापन गर्ने सेन्सेटिभ परिसूचक ८.३३ अंकले घटेर ५९०.१५ अंकमा झरेको छ ।

आज २२९ कम्पनीको तीन करोड कित्ताभन्दा बढीको सेयर किनबेच भएको छ । नेप्सेका अनुसार तीन करोड ९ लाख १२ हजार ६९७ कित्ता सेयर २० अर्ब ४९ करोड ९२ लाख १० हजार ७६७ रुपैयाँको खरिद बिक्री भएको छ ।

नेप्सेमा सूचीकृत १३ उपसमूहमध्ये आज पाँच कम्पनी उकालोमा लागेका छन् भने बाँकीको सेयरमा रताम्य देखिएको छ । आज व्यापार १८.७१, निर्जीवन बिमा ४५७.४७, अन्य ३४.२२, लघुवित्त ५०.६३ र जीवन बिमा ४६८.५७ अंकले उकालो लागेको छ । त्यस्तै बैंकिङ १९.५५, होटल तथा पर्यटन ३०.०७, विकास बैंक १६२.४५, जलविद्युत १२३.३१, वित्त ७३.३१, उत्पादनमुलक १९.२८, सामुहिक लगानी कोष १६.८१ र लगानी समूह ११८.३६ अंकले माइनसमा झरेको हो ।

आज जीवन विकास लघुवित्त वित्तीय संस्थाको सेयर कारोबारमा सकारात्मक सर्किट लागेको छ । सो कम्पनीको प्रतिकित्ता सेयर तीन हजार ९०६.१० रुपैयाँ पुगेको छ । त्यस्तै आज सबैभन्दा बढी तीन कम्पनीले गुमाएका छन् । खानीखोला हाइड्रोपावर, पञ्चकन्या माइ हाइड्रोपावर र हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनीको सेयर कारोबार १० प्रतिशतले घटेर नकारात्मक सर्किट लागेको छ ।