पछिल्लो २४ घण्टामा ८ हजार ८३६ पीसीआर परीक्षणमा २ हजार २०२ जनामा कोरोना भाइरस पुष्टि भएको छ । त्यस्तै ४ हजार २९९ एन्टिजेन परीक्षणमा ९०६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालायका अनुसार मंगलबार देशभर पीसीआर र एन्टिजेन गरी ३ हजार १०८ जनामा कोरोना भाइरस पुष्टि भएको हो । नेपालमा हालसम्म कोरोना संक्रमितको कुल संख्या ६ लाख ७० हजार ९५३ पुगेको छ । यस्तै  मंगलबार कोरोनाबाट २५ जनाको मृत्यु भएको छ । यससँगै नेपालमा हालसम्म कोरोनाबाट ज्यान गुमाउनेको संख्या ९ हजार ६०७ पुगेको छ । आज १ हजार ५९५ जना निको भएसंगै नेपालमा कोरोनामुक्त हुनेको संख्या ६ लाख ३४ हजार ९२७ पुगेको छ ।

मन्त्रालयका अनुसार हाल देशभर सक्रिय संक्रमितको संख्या २६ हजार ४१९ जना रहेका छन् । जसमध्ये २३ हजार ८३४ जना होम आइसोलेसनमा रहेका छन् भने २ हजार ५८५ जना संस्थागत आइसोलेसनमा रहेका छन् । कोरोनाका बिरामीमध्ये ५९२ जना आईसीयू र १७२ जना भेन्टिलेटरमा उपचाररत छन् ।