Nepalese Flag २०७८ साउन १८ गते सोमबार   |   August 02, 2021

अप्पर इंगवा जलविद्युतमा बैंक अफ काठमाण्डूको एकल लगानी

न्युज कारोबार काठमाडौं असार ५, २०७८       

अप्पर इंगवा जलविद्युतमा बैंक अफ काठमाण्डूको एकल लगानी

बैंक अफ काठमाण्डू लिमिटेड र इंगवा जलविद्युत लिमिटेडबीच अप्पर इंगवा जलविद्युत आयोजनामा कर्जा प्रवाह गर्ने सम्बन्धि सम्झौता भएको छ ।

९.७ मेगावट उत्पादन क्षमता रहेको अप्पर इंगवा जलविद्युत आयोजनाको अनुमानित खर्च एक अर्ब ९५ करोड रुपैयाँ रहेको छ । इंगवा जलविद्युतले ताप्लेजुङ र पाँचथर जिल्लाको याङबाराक र सिदिङबा गाउँपालिकामा आयोजनाको निर्माण गरिरहेको छ । उक्त आयोजनामा बैंक अफ काठमाण्डू लिमिटेडको एकल लगानी रहने बैंकले जनाएको छ ।

सम्झौता पत्रमा आयोजनामा कुल लागतको ७५ प्रतिशत बैंक कर्जा वापतको लगानी गर्नेछ भने बाँकी २५ प्रतिशत इंगवा जलविद्युत लिमिटेडले लगानी गर्नेछ । आयोजना पूरा भएपछि उत्पादित विद्युत अमरपुर सबस्टेशनमा जोडिनेछ । सबस्टेशन सम्मको आवश्यक १६ किलोमिटर लामो ३३ केभी प्रसारण लाइन कम्पनी आफैंले निर्माण गर्नेछ । साथै यस कर्जा लगानीपश्चात् जलविद्युत आयोजना निर्माणमा सहयोग पुग्ने र समय सीमामा नै आयोजनाको निर्माण कार्य सम्पन्न हुने विश्वास बैंकले लिएको छ ।

बैंकका ९० शाखा कार्यालयहरु, ७८ एटीएम र १० एक्स्टेन्सन काउन्टरबाट आफ्ना ग्राहकलाई सेवा दिइरहेको छ । साथै, बैंक अफ काठमाण्डू नेपालको उर्जा क्षेत्रहरु (सौर्य तथा जलविद्युत) को विकासको लागि बैंकिङ क्षेत्रबाट लगानी गर्ने पहिलो बैंक रहेको छ । बैंकले अहिलेसम्म विभिन्न ३७ वटा परियोजनामा लगानी गरिसकेको छ ।

सम्बन्धित खबरहरु