महालक्ष्मी विकास बैंक र दराज नेपाल बीच ११.११ अभियानको लागि सहकार्य 
तीन हजार भाइल रेम्डेसिभिर काठमाडौँ आइपुग्यो, थप भोलि ल्याइँदै
वि.सं.२०७८ वैशाख २१ मंगलवार २०:१७
23.9K
shares
shares
कोरोना संक्रमित बिरामीको उपचारमा प्रयोग हुने रेम्डेसिभिर औषधिको तीन हजार भाइल काठमाडौँ आइपुगेको छ । औषधि व्यवस्था विभागका अनुसार १ लाख ३० हजार भाइल रेम्डेसिभिर खरिदका लागि विभिन्न कम्पनीलाई अनुमति दिइएकोमा तीन हजार भाइल मंगलबार बंगलादेशबाट काठमाडौँ आइपुगेको हो ।
थप चार हजार भाइल रेम्डेसिभिर काठमाडौँ आइपुग्ने क्रममा रहेको विभागका प्रवक्ता सन्तोष केसीले जानकारी दिए । केही दिनमा थप औषधि पनि आइपुग्ने र आपूर्ति अवस्था सहज हुँदै जाने उनकाे भनाइ छ । रेम्डेसिभिर कोभिड- १९ का गम्भीर बिरामीलाई प्रयोग हुने औषधि हो । आज आइपुगेकाे रेम्डेसिभर विभिन्न काेभिड अस्पतालमा आजै पठाइने विभागका सूचना अधिकारी केसीले न्युज काराेबारलाई जानकारी दिए ।
कोरोना संक्रमित गम्भीर बिरामीको संख्या बढ्दै गएपछि रेम्डेसिभिर औषधिको कालोबजारी भइरहेकाे छ । विभागले बढी मूल्यमा रेम्डेसिभर बेचेकाे पाइएमा कारबाही गर्ने जनाएकाे छ ।
