नयाँ डिजाइन भाषाअन्तर्गत डिजाइन गरिएको पहिलो स्कुटर एप्रिलिया एसएक्सआर १६० (Apriia SXR 160) नेपालमा सार्वजनिक गरिएको छ । उक्त बहुप्रतिक्षित प्रिमियम स्कुटर पियाजियो इन्डियाका अध्यक्ष एवं प्रबन्ध निर्देशक डिएग्रो ग्राफी, वरिष्ठ उपाध्यक्ष सुधांशु अग्रवाल साथै एमभी दुगड ग्रुपका अध्यक्ष मोतिलाल दुगडले आइतबार सार्वजनिक गरेका हुन् ।

उक्त स्कुटर नेपालका सबै डिलरमा ४ लाख ९ हजार ९ सय रुपैयाँमा उपलब्ध हुने दुगड ग्रुपले जानकारी दिएको छ । सबै ग्राहकका लागि एप्रिलिया एसएक्सआर १६० लाई धेरै अपेक्षित प्रिमियम स्कुटरको रुपमा प्रस्तुत गर्न पाउँदा खुसी लागेको पियाजियो इन्डियाका अध्यक्ष ग्राफीले बताए । इटालीमा डिजाइन गरिएको एप्रिलिया एसएक्सआर १६० स्कुटरले नेपालको प्रिमियम टु–व्हीलर बजारमा उच्च मापदण्डह सेट गर्ने उनले दाबी गरे ।

दुगड ग्रुुपका उपध्यक्ष विवेक दुगडले एमभी दुगड ग्रुप पियाजियो ग्रुपसँग साझेदार गर्दै विश्वस्तरीय vespa र Aprilia को प्रिमियम उत्पादनहरु बिक्री बितरण गर्दै आइरहेको बताए । उनले भने, ‘आज हामी Apriia SXR 160 को बिक्री वितरणको सुरुवात गर्दै यस क्षेत्रका युवाहरुको लागि आवश्यकताहरु पूरा गर्नको लागि अझ गुणस्तरीय उत्पादनको लागि कार्य क्षमता विस्तार गर्न तयार छौँ । सबै ग्राहकलाई विश्वस्तरीय पियाजियोको अनुभव प्रदान गर्न अगाडि बढ्दै छौँ ।’

Apriia SXR 160 ३ कोट HD बडी पेन्ट फिनिश, अप्रिलिया फिचर ग्राफिक्स, म्याट कालो डिजाइन सम्मिलित डार्क क्रोम, एलिमेन्टसको साथ उपलब्ध छन् । एलइडी टेक्नोलोजी twins क्रिस्टल हेड लाइट र EYELINE POSITION लाइटको साथ मर्ज भएको फ्रन्ट इन्डिकेटर blinkers ले अद्वितीय प्रकाश सिर्जना गर्छ ।

डाइमण्ड रिफ्लेक्सन एलइडी टेललाइटको साथ एकीकृत रियर blinkers भएको यस Apriia SXR 160 ले नयाँ पुस्ताको आवश्यकता पूरा गर्ने कम्पनीको विश्वास छ । ‘एन्टी-लक ब्रेकिंग सिस्टम भएको Apriia SXR 160 भेन्टिलेटेड डिस्क ब्रेक TWINS POT CALLIPER हाइड्रोलिक ब्रेकको साथ आउँछ । जसले उच्च ब्रेकिङ सुरक्षा प्रदान गर्दछ । Apriia SXR 160आकर्षक ग्लसी रेड, म्याट निलो, ग्लसी ह्वाइट र म्याट ब्यालक रंगमा उपलब्ध हुनेछन्,’ स्कुटरका बारेमा जानकारी दिँदै दुगड ग्रुपले जारी गरेको विज्ञप्तिमा उल्लेख छ ।

प्रकाशित समय : २०:११ बजे