मनकामना केबलकार मङ्गलबार बन्द रहनेबाढी–पहिरो समस्या समाधानका लागि समिति गठन
वि.सं.२०७५ असार १८ सोमवार २३:३९
13.38K
shares
shares
बाढी–पहिरोको समस्या समाधान गर्न कर्णाली सरकारले ११ सदस्यीय समिति गठन गरेको छ । कर्णाली सरकारको सोमबार बसेको मन्त्रिपरिषद् बैठकले आन्तरिक मामिला तथा कानुन मन्त्रालयको संयोजकत्वमा ११ सदस्यीय समिति गठन गरेको हो । समितिमा कर्णाली प्रदेशका सातवटा मन्त्रालयका सचिव र तीनजना विज्ञ सदस्य रहेको कर्णाली सरकारका प्रवक्ता विमला केसीले जानकारी दिइन् ।
यसअघि मन्त्रिपरिषद् बैठकले कर्णाली प्रदेश बाढी–पहिरो समस्या समाधानसम्बन्धी गठनादेश २०७५ स्वीकृत गरेको थियो । बैठकले प्रदेश सभा सचिवालयसम्बन्धी व्यवस्था गर्न बनेको विधेयक २०७५ प्रदेश सभामा पेस गर्न आन्तरिक मामिला तथा कानुन मन्त्रालयलाई स्वीकृति प्रदान गरेको छ । त्यस्तै, बैठकले कर्णाली प्रदेश सहकारी विधेयक, २०७५ प्रदेश सभामा पेस गर्न भूमि व्यवस्था, कृषि तथा सहकारी मन्त्रालयलाई पनि स्वीकृति दिएको छ ।
