गुणस्तरीय एवं सर्वसुलभ आँखा उपचारको संकल्पसहित काठमाडाैंकाे सुविधानगरमा ‘मेट्रो आइ केयर प्रालि’ सञ्चालनमा अाएकाे छ । अत्याधुनिक उपकरण रहेको अस्पतालले बृहत् आखा एवं दृष्टि परीक्षण, अत्याधुनिक फाको प्रविधिबाट मोतियाबिन्दुको शल्यक्रिया तथा मधुमेह र उच्च रक्तचाप भएकाहरुको विशेष आँखा जाँच तथा उपचारको विश्वसनीय तथा गुणस्तरिय सेवा उपलब्ध गराउने प्रतिबद्धता जनाएको छ ।

भिजन फर लाइफ केयर येर आइज भन्ने नाराका साथ, तिलगङगा आखा अस्पतालमा कार्यरत बरिस्ठ आखा रोग, रेटिना विशेषज्ञ डाक्टर गोविन्द पौडेल लगायेतका चिकित्सकहरुको अगुवाइ अस्पताल सञ्चालन भएको छ ।

यस क्षेत्रमा लामो अनुभव हासिल गरेका दक्ष प्राविधिक समूहले सर्वसाधारणलार्इ सुलभ तथा उच्च स्तरीय गुणस्तरिय सेवा सुविधा प्रदान गर्ने लक्ष्य रहेको मेट्रो आइ केयर प्रालिका निर्देशक नवीन राज आचार्यले बताए ।

प्रकाशित समय : १४:३८ बजे