सुन्डीखोलामा पुल निर्माण
मेयर हत्याको आशंकामा सहरका सबै प्रहरी प्रमुख गिरफ्तार
वि.सं.२०७५ असार १२ मंगलवार १४:०३
11.87K
shares
shares
मेक्सिकोको ओकाम्पो सहरमा एकजना मेयरको हत्यामा संलग्न रहेको आशंकामा सहरका सबै प्रहरी प्रमुखहरुलाई गिरफ्तार गरिएको छ । सहरका मेयर ६४ वर्षीय फर्नान्डो एन्जल्स जुआरेजलाई एक अज्ञात बन्दूकधारीले मंगलबार उनकै घर बाहिर गोल हानेर हत्या गरेका थिए ।
जुलाई एक देखि मेक्सिकोमा आम निर्वाचन हुँदैछ । यसअघि त्यहाँ सयभन्दा बढी नेताहरुको हत्या भइसकेको छ । पछिल्लो हप्ता मिचोअकान राज्यमा हत्या गरिएका एन्जेल्स तेस्रो नेता हुन् । गतसाता दुई जना नेताको सोही राज्यमा हत्या भएको थियो । लगातार हत्याको श्रृंखलापछि संघीय प्रहरीले आइतबार सहरका २७ प्रहरी अधिकारी र सार्वजनिक सुरक्षा स्थानीय सचिवलाई गिरफ्तार गरेको हो ।
एन्जल्स एक सफल व्यवसायी पनि थिए । पहिले उनी चुनावमा निर्दलीय उम्मेदवारका रुपमा लड्ने सोचमा रहेपनि पछि मेक्सिकोको एउटा ठूलो पार्टी डेमोक्रेट रिभोलुशनमा प्रवेश गरेका थिए ।
