काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विवेकशील साझाका उज्वल थापा पक्राउ

24.09K
shares

प्रहरीले विवेकशील साझा पार्टीका संयाेजक उज्वल थापासहित ९ जनालार्इ नियन्त्रणमा लिएकाे छ । प्रहरील संयाेजक थापासहित ९ जनालार्इ नियन्त्रणमा लिर्इ वैद्यखानामा राखेकाे छ ।

सरकारले निषेधित क्षेत्र घाेषणा गरेकाे विराेधमा विवेकशील साझाले शनिबार माइतिघरमा प्रदर्शन गरेकाे थियाे । विराेध प्रदर्शनका लागि ताेकिएका ७ स्थान बाहेक अन्य स्थानमा प्रदर्शन नगर्न चेतावनी दिँदै अाएकाे थियाे ।

विराेध प्रदर्शनका लागि सरकारले खुलामञ्च, तीनकुने चौर, भुइँखेल चौर, पेप्सीकोला खेल मैदान, सानो गौचरण, लैनचौर समाज कल्याण परिषद् अगाडि र सिफल चौर ताेकेकाे थियाे । यसैकाे विराेधमा भएकाे विराेध प्रदर्शनमा थापासहितलार्इ नियन्त्रणमा लिइएकाे हाे ।

अधिनायकवादी चरित्र : मिश्र

विवेकशील साझाकै अर्का संयाेजक रविन्द्र मिश्रले सरकारकाे यस कदमलार्इ अधिनायकवादी चरित्र भन्दै टिप्पणी गरेका छन् । उनले ट्वीट गर्दै यस्ताे प्रतिक्रिया जनाएका हुन् । ‘निषेधित क्षेत्र घोषणाको विरोध गर्दा विवेकशील साझाका संयोजक उज्वल थापा, पार्टीका केन्द्रीय सदस्य शशिबिक्रम कार्की र कयौं अरू गिरफ्तार। बिना कारण शान्तिपुर्णरुपमा विरोध गर्न पाउने अधिकार कुण्ठित गर्नु अधिनायकवादी चरित्रको प्रारम्भिक संकेत हो।’ मिश्रले ट्वीट गर्दै भनेका छन्।