नेपालका लागि जेसीबी ब्रान्डका हेवी इक्युपमेन्ट तथा निर्माण उपकरणको आधिकारिक विक्रेता एमएडब्लू अर्थमुभर्सले १२० टनको नयाँ एक्साभेटर सार्वजनिक गरेको छ । काभ्रे इँटा व्यवसायी संघको तेस्रो वार्षिक साधारण सभाको अवसर पारेर जेसीबीले नयाँ जेएस १२० एक्साभेटर सार्वजनिक गरेको हो ।

जेसीबी जेएस १२० सेग्मेन्टकै सबैभन्दा उत्कृष्ट उत्पादनमध्ये पर्छ । प्रतिघन्टा ८ प्रतिशत कम इन्धन खपत गर्ने यो एक्साभेटरको बकेट क्यापासिटी ०.५ देखि ०.६५ क्युबिक मिटरसम्म छ । यसको अधिकतम इन्जिन पावर ६० किलोवाट रहेको कम्पनीले जनाएको छ । जेएस १२० खन्ने कार्य, सडक, इँटा उद्योग र अन्य निर्माण कार्यमा सहज हुने विश्वास गरिएक छ ।

अत्याधुनिक प्रविधिजडित जेएस १२० पुनेस्थित जेसीबी प्लान्टबाट उत्पादन हुने गर्छ । अन्य ब्रान्डका मेसिनको तुलनामा यसको उत्पादकत्व बढी र मर्मत खर्च कम पर्ने पनि कम्पनीले जनाएको छ ।

प्रकाशित समय : ००:४१ बजे