मुलुकी अपराध संहिता संशोधनको माग गर्दै नेपाल चिकित्सक संघले आन्दोलन सुरु गरेको छ । संघले आजदेखि देशभरका अस्पतालहरुमा आकस्मिक बाहेकका सबै सेवा ठप्प पारेको छ ।

सरकारकाले आफूहरुको माग सम्बोधन गर्न आलटाल गरेकाले बाध्य भएर आन्दोलन गर्नुपरेको डाक्टरहरुको भनाइ छ । चिकित्सकहरुले आज माइतीघर मण्डलामा प्रदर्शन गरेका छन् । डाक्टरहरुले आज नै नेपाल मेडिकल काउन्सिलमा लाइसेन्स बुझाउने संघका महासचिव डा. लोचन कार्कीले बताए ।

गत भदौ एक गतेदेखि लागू भएको मुलुकी अपराध संहितामा उपचारका क्रममा डाक्टरको लापरवाहीले बिरामीको मृत्यु वा अंगभंग भएमा ५ वर्ष कैद र ५० हजार जरिवाना हुने उल्लेख छ । सो विषयमा डाक्टरहरुले असन्तुष्टि जनाउँदै आएका छन् ।

मुलुकी संहिताले डाक्टरहरुलाई अपराधीको दर्जामा राखेको भन्दै ऐन तत्काल संशोधन गर्न संघले माग गरेको छ । राज्यले ज्यानमारा र अपराधीको दर्जामा राखेकाले काम गर्न नसकिने भन्दै डाक्टरहरु आन्दोलित भएका हुन् ।

त

तस्बिर ः सुनिल प्रधान

प्रकाशित समय : १४:१३ बजे