काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सुर्खेतमा एक सय ३६ अटाे प्रहरीले नियन्त्रणमा लियाे

12.56K
shares

 

अटो चालक अुनमति पत्र लगाएतका कागजातहरु नभएको र मनपरी भाडा असुलेको भन्दै जिल्ला ट्राफिक प्रहरी कार्यालय सुर्खेतले अटोहरु नियन्त्रणमा लिने अभियान सुरु गरेको छ । मंगलबारसम्म सुर्खेतमा १ सय ३६ वटा अटो नियन्त्रणमा लिइएको छ ।

जिल्ला ट्राफिक प्रहरी कार्यालय सुर्खेतका अनुसार जिल्लाका छिन्चु, बोटेचौर, बांगेसिमल, कर्णालीको राजधानीको केन्द्र वीरेन्द्रनगर र बड्डीचौरमा चल्ने अटोहरु नियन्त्रण गरिएको हो ।
सोमबारदेखी ट्राफिक कार्यालय सुर्खेतले अटो नियन्त्रणमा लिँदै आएको हो । अटो खोसीएको भन्दै चालकहरु आन्दोलनमा उत्रीएका छन् । आन्दोलनमा सहभागी अटोचालक शेरबहादुर खत्रीले सुर्खेतमा प्रहरीले मजदुरमाथि ज्यादती गरेको आरोप लगाए ।

अटोचालकहरुले विभिन्न माग राख्दै आन्दोलन सुरु गरेका छन् । माग पूरा नभएसम्म आन्दोलन जारी रहने अटोचालक विवि सोनीको भनाई छ ।

aandolan-newskarobar
अान्दाेलनमा उत्रिएका अटाेचालकहरू । तस्बिर : न्युज काराेबार

 

मंगलबार करिब सय अटोचालकहरुले यातायात व्यवस्था कार्यालय, भौतिक पूर्वाधार मन्त्रालय कर्णाली प्रदेश, जिल्ला प्रशासन कार्यालय सुर्खेत र मुख्यमन्त्री तथा मन्त्रिपरिषद्को कार्यालयमा एक–एक घण्टाको धर्ना दिएका छन् ।

सुर्खेतमै अटो चालक अुनमति पत्रका लागि कर्णाली सरकारले पहल गर्नुपर्ने, रुटपरमिट, जाँचपास र बिलबुकको व्यबस्थासमेत सुर्खेतबाटै गर्नु पर्ने लगाएतका माग राख्दै अटोचालकहरु आन्दोलनमा उत्रिएका हुन् ।

मंगलबार सिद्धपाईला यातायात सेवा प्रा.लि. कर्णाली प्रदेशले विभिन्न कार्यालयहरुमा ज्ञापनपत्र बुझाएको छ । प्रत्येक हप्ता अटो चालक अनुमती पत्र खुलाउनु पर्ने र सबै किसिमका कागजातहरु सुर्खेतबाटै उपलब्ध गराउनुपर्ने माग राख्दै प्रा.लि.ले ज्ञापन पत्र बुझाएको पदम बनले बताए ।
उता ट्राफिक प्रहरी कार्यालय सर्खेतका प्रमुख हरी विसी अटोका कारण अत्याधिक सवारी दुर्घटना भएको जनगुनासो आएपछि अटो नियन्त्रण गर्न बाध्य भएको बताउछन् ।