सिटिजन्स बैंक इन्टरनेसनलले विश्व खाद्य कार्यक्रम र गुड नेवर इन्टरनेसनलको सहकार्यमा नगद वितरण गरेको छ । स्थानीय बाटो निर्माण गरेबापत ‘कामका लागि नगद’ वितरण योजनाअन्तर्गत नगद भुक्तानी गरिएको हो ।

डोटीको पोखरी, सानागाँउ, लादागाडा, गाँजरी, गहिरागाँउ, खिरसेन र काडामाण्डु गाविसमा नगद वितरण कार्यक्रम आयोजना गरिएको हो । बैंकले ३ हजार ६३३ परिवारलाई ५ करोड १७ लाख ७६ लाख ८३५ रुपैयाँ वितरण गरेको छ । बैंकले देखाएको यस अग्रसरताले स्थानीय विकास निर्माणको काममा सहयोग पुग्नुका साथै विपन्न परिवारको आर्थिक अवस्थामा सुधार आउने विज्ञप्तिमा उल्लेख छ ।

बैंकका देशभर ७९ शाखा, ७२ एटिएम र ९९ शाखारहित बैंकिङ इकाइ छन् । बैंकले तीन लाख ५० हजार ग्राहकलाई सेवा दिइरहेको छ ।

प्रकाशित समय : ००:४५ बजे