मंगलबार रामेछापमा बाघको आक्रमणमा परी तीन जना घाइते भएका छन् । गाइको बाच्छो खाइरहेको बाघलाई लखेट्न खोज्दा बाघले आक्रमण गरेको थियो । उक्त आक्रमणमा परी तीन जना घाइते भएका हुन् ।

रामेछापस्थित रामेछाप नगरपालिका–४ हिमगंगाको चिलाउने खर्कमा भएको उक्त बाघको आक्रमणमा परी रामेछाप नगरपालिकाका ६५ वर्षीय दलबहादुर बिक, ३२ वर्षीय छत्रबहादुर तामाङ र ४९ वर्षीय तेजबहादुर तामाङ घाइते भएका हुन् ।

रामेछाप नगरपालिकाका प्रमुख नरबहादुर थापाले घाइते तीनै जनाको जिल्ला अस्पताल रामेछापमा उपचार भइरहेको जानकारी दिएका छन् ।

प्रकाशित समय : १४:४५ बजे