काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

तीन युवती दुई सातादेखि बेपत्ता

9.91K
shares

नुवाकोटको तादी गाँउपालिका उर्लेनी काल्चेका तीन युवती दुई सातादेखि बेपत्ता भएका छन् ।

गत भदौ १८ गते तादी खरानीटारमा लाग्ने श्रीकृष्ण जन्माअष्टमीको रथयात्रा हेर्न गएका उनीहरु फर्केर घर नआएको भन्दै परिवारले खोजी गर्न प्रहरीसँग सहयोग मागेका छन् ।

काल्चेका १८ वर्षीया शर्मिला भनिने आइती तामाङ, उनकी फुपू १७ वर्षीया सम्झना तामाङ र १७ वर्षीया हसिना भनिने माया तामाङ हराइरहेका हुन् । जात्रामा गएपछि छोरी सम्पर्कमा नआएको शर्मिलाका बुबा सोम्बरबहादुर तामाङको भनाइ छ । दलालले ललाइफकाइ भारततर्फ बेचबिखनमा लगेको हुनसक्ने भन्दै परिवारले दिएको सूचनाको आधारमा प्रहरीले सीमाक्षेत्रमा खोजी तीव्र बनाएको छ ।

जिल्ला प्रहरी प्रमुख, उपरीक्षक वसन्त कुँवरको अनुसार हराएकामध्ये दुईको मोबाइल ‘लोकेशन’ भारतीय सीमाक्षेत्रसम्म पुगेको देखिएको र खोजीको लागि प्रहरी परिचालन गरिएको छ ।