ब्राजिलमा बैंक लुट्न गरिएको आक्रमणमा ११ जनाको मृत्यु
वि.सं.२०७५ मंसिर २२ शनिवार १५:२५
shares

ब्राजिलमा दुई बैंक लुट्न शुक्रबार बिहानै गरिएका आक्रमणमा बन्धक बनाइएका पाँचजनासहित ११ जनाको मृत्यु भएको छ । आक्रमणमा ६ जना लुटेराको प्रहरीको गोली प्रहारबाट मृत्यु भएको छ भने एक बच्चासहित पाँच जना बन्धक बनाइएका व्यक्तिको पनि ज्यान गएको सेयरा राज्यको मिलाग्रेस सहरका नगर प्रमुख लियलसन ल्यान्डिजलाई उद्धृत गरी ब्राजिलको रेडियो व्यान्ड न्युजले बताएको छ ।
सशस्त्र लुटेराले बैंकमाथि आक्रमण गरी ढालका रूपमा पाँच जनालाई बन्धक बनाएपछि प्रहरीले प्रतिकार गरेको र दोहोरो झडपमा उनीहरूको मृत्यु भएको बताइएको छ । (रासस)

























