काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मध्यपश्चिमाञ्चल विश्वविद्यालयमा विद्यार्थी–विद्यार्थीबीच झडप

19.78K
shares

मध्यपश्चिमाञ्चल विश्वविद्यालयमा पठनपाठन बन्द भएको विरोधमा विद्यार्थीहरु आन्दोलित भएका छन् । पठनपाठन संचालनको माग गर्दै विद्यार्थीहरुले आइतबार प्रदर्शन गर्नुकासाथै प्रजातन्त्रिक प्राध्यापक संघले लगाएको ताला तोडेका छन् । ताला तोडेपछि फरक–फरक धारका विद्यार्थीबीच झडप भएको छ । अनेरास्ववियु सुर्खेत जिल्ला सचिव विवेचना खनालले विश्वविद्यालयलाई राजनितीको अखडा बनाउन नहुने बताईन् । उनले भनिन् ‘कसैको पद जानु र आउनु हाम्रो सरोकारको विषय होइन । विद्यार्थी राजनीति एकातिर छ तर समग्रमा विद्यार्थीको भविस्यमाथी खेलवाड गर्ने अधिकार कसैलाई छैन । ’

अर्का विद्यार्थी महेन्द्रकुमार थापाले विश्वविद्यालय एक राजनीतिक थलो मात्रै नभइ गरीब, जेहेन्दार विद्यार्थीको शैक्षिक संस्था हुनुपर्ने बताए । उनले भने ‘कसैको पदको लागी विद्यार्थी परिचालन गरेर आपसमा विद्यार्थी विद्यार्थीबीच द्वन्द गराउने नहुने बताए । विश्वविद्यालयका रजिष्ट्रार महेन्द्रकुमार मल्ल गत मंसिर २० गते निलम्मबनमा परेपछि नेविसंघ निकट विद्यार्थी तथा प्रजातान्त्रिक प्राध्यापक संघले आन्दोन गर्दै आएको छ । विश्वविद्यालयको केन्द्रिय कार्यालयमा ताला लगाइएको थियो ।

विश्वविद्यालयले विद्यार्थीहरुको मागलाई सम्बोधन नगरेकोले विगत ८० दिनदेखी आन्दोनल गर्न बाध्य भएको स्वतन्त्र विद्यार्थी युनियनका सदस्य रोशन बस्नेतले बताए । उनले भने, मध्यपश्चिमाञ्चल विश्वविद्यालयका रजिष्ट्रार महेन्द्रकुमार मल्ललाई बिना कारण दुई तिहाई सरकारले निलम्बन गरेको विरोधमा विद्यालयको पठनपाठन बन्द गरेका हौं ।’ उनले रजिष्ट्रार मल्ललाई पदबहाली नगरेसम्म आन्दोलन जारी रहने बताए । त्यस्तै नेविसंघ नेता दिपकराज बिसीले विश्वविद्यालयले सम्झौता गर्ने तर कार्यान्वयन नगर्दा आन्दोलनमा उत्रनु परेको बताए ।