काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

‘अनलाइन सिस्टम’ले मालपोतको सेवा प्रवाह झन् सुस्त

17.37K
shares

जताततै भीड झट्ट बाहिरबाट आउने जो कोहीलाई पनि लाग्छ यो कुनै मेला महोत्सव हो । कोही रिसाएको ‘मुँड’मा भेटिन्छन् त कोहि खुसीले गदगद पनि हुन्छन् । कसैलाई कसैले धकल्ने र पालो उछिन्नेको पनि कमी छैन त्यहाँ ।

कसैले भनसुनकै आधारमा काम समयमै गरेका छन् भने । कोही पालो कुर्न थालेको महीना दिन सम्म पनि ‘काम नभएको’ भन्दै गुनासो गरिरहेका भेटिन्छन् । न लाइन छ न हिँड्ने ठाउँ छ । न सिस्टम छ न समयको ख्याल छ ।

सुन्दा अचम्म लाग्छ । भीडभाडका कारण कसैका खुट्टा पनि भाँचिए तर कार्यालय यसमा मौन छ । कसरी कार्यालय व्यवस्थापन गर्ने भन्ने कुनै संयन्त्र छैन । कोही झ्यालबाट टुलुटुलु हेर्दे पालो कुरेका छन् । कोही कर्मचारीको आडैमा गएर धमाधम आफ्नो काम गरिरहेका छन् ।

यो दृश्य कर्णाली प्रदेशको राजधानी सुर्खेतस्थित मालपोत कार्यालयको हो । जहाँ सोझा-सीधा सेवाग्राहीले महीना दिन सम्म पनि सेवा पाउँदैनन् ।

malpot_newskarobar

यसको प्रमुख कारण अर्धदक्ष कर्मचारी र दोहोरो सेवा प्रणाली भएको सेवाग्राहीको भनाई छ । वीरेन्द्रनगर नगरपालिका-४ का दीपक थापा जग्गा रोक्का गर्न यही १६ गतेदेखि मालपोत कार्यालय सुर्खेतमा धाईहरेका छन् ।

तर, उनको काम १० दिनसम्म पनि भएको छैन । यत्ती कामका लागि थापा मालपोत धाउन थालेको १० दिन भयो । अझै काम भएको छैन । अझै कती दिन लाग्ने हो उनलाई पनि थाहा छैन । किन ढिला भयो त ? आफूले पाएको जबाफ उनले जस्ताको तस्तै सुनाए, ‘अनलाइन सिस्टम नमिलेको कारण ढिला भएको रे !’

तिलागुफा-१० कालीकोटका अम्मर थापा पनि मालपोत धाउन थालेको १० दिन भयो । उनको काम पनि भएको छैन । मालपोतको ढिलासुस्तीले उनलाई सरकारी कामप्रति विश्वास लाग्न छाडेको छ । उनी भन्छन्, ‘छिटो सेवा दिने नाममा अनलाइन सिस्टम गराएको होला । तर यहाँ दोहोरो सेवा प्रणाली भयो । ढड्डा पनि पल्टाउने अली अली कम्प्युटर पनि चलाउने अनि कसरी काम समयमै हुन्छ ।’

मालपोतको यो सेवा सरकारी कर्मचारीलाई पनि मन परको छैन । डिभिजन सडक कार्यालयमा कार्यरत इन्जिनियर दीपेन्द्र विष्ट पनि मालपोत कार्यालय सुर्खेतको यो लाजमर्दो सेवाप्रवाहबाट प्रभावित छन् । मंसिर १९ गते जग्गा रोक्काको लागि निवेदन दिएका विष्टले पुष ३ गतेको टोकन पाएका छन् । ‘सरकारी प्रक्रिया कति लामो हुन्छ ? मलाई पनि थाहा छ,’ उनी भन्छन्, ‘तर, मालपोत कार्यालयमा किन यस्तो लाचारी देखाईएको छ ?’

उता मालपोत कार्यालय सुर्खेतका सूचना अधिकारी नरबहादुर घर्तीले ‘अनलाइन सिस्टम’बाट मालपोत कार्यालयको काम सुरु गरेको र यसमा कर्मचारीहरु अन्योल भएकोले सेवाग्राहिलाई दुःख भएको बताउँछन् । ‘हामीले गत १७ गतेदेखि अनलाइन सिस्टमले काम गरिरहेका छौं,’ घर्ती भन्छन्, ‘हामीलाई प्रविधिको ज्ञान पनि त्यती छैन । दक्ष जनशक्ति नभएकै कारण काममा ढिलाई भईरहेको छ ।’

malpot_newskarobar

मालपोत कार्यालय सुर्खेतमा कर्मचारीको समेत अभाव भएकोले काममा ढिलाई हुने गरेको घर्तिको भनाई छ । कार्यालयलाई आवश्यक दक्ष जनशक्ति नेपाल सरकारले पठाएको खण्डमा छिटोछरितो सेवा प्रवाह गर्न सकिने उनले बताए ।

मालपोत कार्यालय सुर्खेतमा जम्मा २३ जना कर्मचारी छन् । अझै ३ जना नायब सुब्बाको अभाव भएको कार्यालयले जानकारी दिएको छ । सामान्यतया जग्गा रोक्का गर्न तथा फुक्का गर्न प्रक्रिया पुगेको ७ दिनभित्र काम गरिसक्ने भनि नागरिक बडापत्रमा प्रष्टै लेखिएको छ । तर एक महिना बितीसक्दा पनि सेवाग्राहीले सेवा पाएका छैनन् । यसको लागि सम्बन्धित निकायको ध्यान पुग्नु जरुरी छ ।