काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

भ्रष्टाचार गरेको भन्दै महेन्द्र मोरङका क्याम्पस प्रमुखलाई विद्यार्थीले कार्यकक्षमै थुने

14.13K
shares

क्याम्पसमा अनियमितता गरेको आरोपमा विद्यार्थी संगठनहरुले महेन्द्र मोरङ आदर्श बहुमुखी क्याम्पस विराटनगरका प्रमुखलाई कार्यकक्षमै थुनेका छन् । क्याम्पस प्रमुख बाबुराम तिम्सिनाको कार्यकक्षमा तालाबन्दी गर्ने क्रममा विद्यार्थीहरुले तोडफोड समेत गरेका छन ।

नेपाल विद्यार्थी संघ, अखिल क्रान्तिकारी, अनेरास्वीयू र नयाँ शक्ति निकट विद्यार्थी संगठनको महेन्द्र मोरङ क्याम्पस इकाइ कमिटीमा आबद्ध विद्यार्थीहरुले क्याम्पस प्रमुखलाई कार्यकक्षमा राखेर बाहिरबाट ताला लगाएका हुन् ।

क्याम्पस प्रमुख विरुद्ध नाराबाजीगर्दै गएका उनिहरुले तोडफोड गर्नुकासाथै तालाबन्दी गरेका हुन् । विद्यार्थीहरुले क्याम्पस प्रमुखको कोठा अघिल्लतिर रहेको सभाकक्षको कुर्सी टेबुल र नेमप्लेट तोडफोड गर्नुकासाथै कोठाका पर्दाहरु च्यातेर फालिदिएका छन् ।

केही महिनायता क्याम्पसका लागि १ करोड बढीको कार्यालय तथा शैक्षिक सामाग्रि खरीद गरिएको र त्यसमा ब्यापक अनिमियता भएको विद्यार्थी संगठनहरुको आरोप छ । एक करोड बढीको सामाग्रि खरीद गरिए पनि कमिसनको लोभमा चार–चार लाखको कोटेशनबाट ती सामाग्रि खरीद गरिएको उनीहरुको दाबी छ । क्याम्पसमा जर्जर अवस्थामा रहेको लाइब्रेरी मर्मत सम्भारका लागि निकालिएको २१ लाखको टेण्डरमा समेत अनियमितता भएको र क्याम्पस परिसरभित्र रहेका रुखहरु जथाभावी कटान गरेर विक्रि गरिएको विद्यार्थी नेता जसवन्त पौडेलले बताए । उनिहरुले नैतिकताका आधारमा क्याम्पस प्रमुख तिम्सिनाले राजिनामा दिनुपर्ने मागसमेत गरेका छन् ।