काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विशेष समितिले अर्थमन्त्रीलाई बुझायो प्रतिवेदन, यस्ता छन् सुझाव

14.07K
shares

मुद्रा तथा पुँजी बजारको समस्या अध्ययन समितिले अर्थमन्त्री डा. युवराज खतिवडालाई सुझाव प्रतिवेदन बुझाएको छ । बुधबार साँझ अर्थ मन्त्रालय पुगेर समितिले अर्थमन्त्री खतिवडालाई प्रतिवेदन बुझाएको हो ।

समितिले मुद्रा तथा पूँजी बजारका समस्या समाधानका लागि अल्पकालीन र दीर्घकालीन महत्वका सुझाव दिएको छ । बैंकको ब्याजदर नियन्त्रणका लागि तत्काल चाल्नुपर्ने कदमको विषयमा निकै लामो सुझाव प्रतिवेदनमा समेटिएको छ । विद्यमान समस्या समाधानका लागि हस्तक्षेप गर्न समितिको सुझाव छ ।

समितिले बैंकहरुको पुँजीगत लागत ८९ प्रतिशतमा सीमित गराउन र कर्जाको व्याजदर १२ प्रतिशतमा कायम राख्न सरकारलाई सुझाएको बुझिएको छ । बचत, मुद्दती र ऋणको व्याजदरमा अधिकतम सीमा तोक्न समितिले सुझाव दिएको छ । पुँजी बजारका समस्या समाधानका लागि पनि समितिले सुझावहरु दिएको छ । यद्यपि, प्रतिवेदन औपचारिक रुपमा सार्वजनिक भने गरिएको छैन ।

उच्च ब्याजदरको विषयले यतिबेला वित्तीय क्षेत्रमा ठूलै तरंग पैदा गरेको छ । बैंकहरुले मुद्दती निक्षेपको ब्याजदर १३ प्रतिशत नघाइदिँदा उद्योग क्षेत्रदेखि पुँजी बजारसम्म त्यसको प्रभाव परेको छ । समस्या कसरी आयो र यसको समाधान के हुन सक्छ भन्नेबारे प्रतिवेदनमा बुँदागत रुपमा सुझाव समेटिएको समितिका एक सदस्यले जानकारी दिए ।

मंसिर तेस्रो साता अर्थमन्त्रीले गठन गरेको समितिमा राष्ट्र बैंकका डेपुटी गभर्नर शिवराज श्रेष्ठ संयोजक तथा अर्थ मन्त्रालयको वित्तीय क्षेत्र हेर्ने सहसचिव, बैंकर्स संघ, लगानीकर्ताका प्रतिनिधि सदस्य छन् । समितिलाई दिइएको समयसीमा शुक्रबार नै सकिएको थियो ।