काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

स्थायी समितिको निर्णय कुर्दै नेकपाका भ्रातृ संगठन

14.15K
shares

नेपाल कम्युनिष्ट पार्टी नेकपामा दुई भ्रातृ संगठनको नेतृत्व बाँडफाँड भएको छ । तत्कालीन एमाले निकट युवासंघ, विद्यार्थी संगठन अनेरास्ववियु र माओवादी केन्द्रनिकट योङ कम्युनिष्ट लिग र अखिल क्रान्तिकारीबीचको एकतापछिको नेतृत्वको बारेमा शीर्ष नेताहरुबीच सहमति भएको हो ।

युवा संगठनको नेतृत्व तत्कालीन एमालेको भ्रातृसंगठन युवा संघलाई र विद्यार्थी संगठनको नेतृत्व अखिल क्रान्तिकारीलाई दिने सहमति भएको नेताहरुले बताएका छन् । ‘स्थायी समिति बैठकमा पनि यी विषयमा सामान्य छलफल भएको छ, युवासंघको नेतृत्व युवासंघ र विद्यार्थी संगठनको नेतृत्व अखिल क्रान्तिकारीलाई दिने गरी तत्काल एकता गर्ने विषयमा कुरा भएको छ,’ एक स्थायी समिति सदस्यले न्युज कारोबारसँग भने ।

पार्टीको शीर्ष तहमा भएको यस्तो सहमति अनुसार छिट्टै एकताको तयारी भईहरहेको नेताहरुले बताएका छन् । एकतापछि हुने संगठनको नाम र केन्द्रीय समितिमा रहने सदस्यको टुंगो लाग्न भने बाँकी रहेको युवा संघका महासचिव नरेश शाहीले जानकारी दिए ।

तत्कालीन माओवादीको भ्रातृ संगठन योङ कम्युनिष्ट लिग वाईसिएल र तत्कालीन एमालेको संगठन युवासंघको एकताको लागि विधानसमेत तयार गरिएको छ । १६ देखि २४ वर्षसम्मका युवालाई विशेष आरक्षण दिनुपर्ने, राष्ट्र निर्माणमा युवाशक्तिलाई परिचालन गर्नुपर्ने, समाजवाद र राष्ट्रिय पुँजी निर्माणका लागि युवा वर्गले भूमिका निर्वाह गर्नुपर्नेलगायत विषय विधानमा समेटिएको छ ।

दुवै संगठनलाई व्यवस्थित तरिकाले एकताबद्ध गर्न युवा संघका इञ्चार्ज महेन्द्रबहादुर पाण्डे र अध्यक्ष रमेश पौडेल तथा कम्युनिस्ट लिगका इञ्चार्ज मणि थापा र रामप्रसाद सापकोटा रहेको कार्यदल निर्माण गरिएको थियो । संगठन बनाउन तत्काल एकता हुनुपर्ने कार्यदलका सदस्यहरुले बताउँदै आएका छन् । ‘युवालाई अवसर प्रदान गर्ने युवामैत्री विधान हामीले तयार गरेका छौं, युवाशक्ति संगठित भई सामाजिक सेवाका साथै व्यावसायिक तथा उद्यमशीलतर्फ उन्मुख गराउन तत्काल एकता गर्नुपर्छ,’  कार्यदल सदस्य थापा भन्छन् ।

यस्तै विद्यार्थी संगठनहरू अनेरास्ववियु र अनेरास्ववियु (क्रान्तिकारी) को एकता अन्तिम चरणमा पुगेको छ । स्थायी समिति बैठकबाट औपचारिक निर्णय आएपछि एकता गरिहाल्ने अनेरास्ववियुकी उपाध्यक्ष एवं विधान मस्यौदा उपसमिति सदस्य सुनिता बरालले बताइन् ।

नेतृत्व र नामका विषयमा अझै छलफल भइरहेको छ । केन्द्रीय समिति भने १ सय ९९ सदस्यीय बनाउने प्रस्ताव गरिएको छ ।  नामका बारेमा भने सहमति हुन बाँकी रहेको जनाईएको छ ।