काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

भाजपा नेता परिहारको गोली हानी हत्या

10.5K
shares

भारतीय जनता पार्टी (बीजेपी)का जम्मू–कश्मीर राज्यका सचिव अनिल परिहार र उनका भाइको गोली हानी हत्या भएको छ ।

बिहीबार साँझ जम्मू–कश्मीरको किश्तवाडमा परिहार र उनका भाइको गोली हानी हत्या भएको बीजेपीले पुष्टि गरेको छ । घरतर्फ जाँदै गर्दा परिहार दाजुभाइमाथि गोली चलाइएको जम्मू–कश्मीर प्रहरीले जनाएको छ ।

आतंककारीको समूहले नै गोली हानी हत्या गरेको जम्मू–कश्मीर बीजेपीका अध्यक्ष रवीन्द्र रैनाले दाबी गरेका छन् । गोली प्रहारपछि दुई दाजुभाइलाई तत्कालै अस्पताल पुर्याइए पनि बचाउन नसकेको उनको भनाइ छ । किश्तवाडमा अहिले कर्फ्यू लगाइएको छ । बीजेपीका आक्रोशित कार्यकर्ताले प्रहरी चौकी र अस्पतालमा तोडफेड गरेका छन् ।

यसैबीच, भाजपाका केन्द्रीय नेताहरुले परिहारको निधनमा दुःख व्यक्त गरेका छन् । प्रहरीले घटनाको अनुसन्धान थालेको छ ।