ट्राफिक प्रहरीद्वारा सडकमै चालकको स्वाथ्य परीक्षण
वि.सं.२०७५ पुस ३० सोमवार २०:१५
shares

दुर्घटना न्यूनिकरणको लागि ट्राफिक प्रहरी रुपन्देहीले सडकमै चालकको स्वाथ्य परीक्षण सुरु गरेको छ । प्रहरीले छोटा एवं लामो दुरीका यात्रु तथा मालबहाक सवारी साधन र चालकहरुको स्वाथ्य परीक्षण गरेको हो ।
प्रदेश-५, ट्राफिक प्रहरी कार्यालय बुटवलले रुपन्देहीको सैनामैनामा पर्ने पूर्व-पश्चिम राजमार्गमा गुड्ने सवारी साधनलाई रोकि सवारी साधनको चेकजाँच गर्नुको साथै चालकको स्वास्थ्य परीक्षण गरेको छ । प्रहरीले आईतबार ३० सवारी साधन र चालकको चेकजाँच एवं स्वास्थ्य परीक्षण गरेको छ । जसमा ३० मध्ये २८ चालक योग्य रहेको र बाँकी २ चालक अयोग्य र ३ सवारी साधनको राम्रो अवस्थामा नभएको प्रहरीले जनाएको छ ।
धेरै जसो चालकहरुमा प्रेसर, सुगर र मापसे गरेको पाइएको प्रहरीले जनाएको छ । जिल्ला ट्राफिक कार्यालय भैरहवाका प्रहरी निरीक्षक वेद बहादुर पौडेलले सवारी दुर्घटना न्यूनिकरण, सवारी आगवानमा सहजता ल्याउन अभियानको थालनी गरिएको बताए ।

























