काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

पाल्पाको रामपुरमा प्याराग्लाइडिङको सफल उडान

15.98K
shares

रामपुर नगरपालिका–७ को बाहुन डाँडा र पूर्वखोला गाउँपालिका–१ सिलुवको लोस्दीमा प्याराग्लाइडिङको सफल उडान गरिएको छ । परीक्षणका रुपमा १६ प्याराग्लाइडिङ बााहुनडाँडाबाट किसानबारी खेलमैदानमा र सिलुवाको लोस्दीबाट मटेरी ठूलोटारमा अवतरण गराइएको थियो । गिनिज बुकमा नाम रेकर्ड गर्न सफल सानुबाबु सुनुवारको नेतृत्वमा प्याराग्लाइडिङ उडान परीक्षण गरिएको हो ।

यसअघि सुनुवारले २६ जिल्लामा प्याराग्लाइडिङ उडान गरिसकेका छन् । ‘नयाँ ठाउँ खोजी गर्दै जाँदा बाहुनडाँडा र सिलुवाको लोस्दी सम्भावनायुक्त ठाउँ देखियो, त्यसैले उसैलाई छनोट गरिएको हो,’ उनले भने । उनका अनुसार यो ठाउँमा एक हजार २६६ मिटर उडेर लगभग तीन हजार मिटर माथिसम्म जान सकिने सम्भावना छ ।
प्याराग्लाइडिङको सफल परीक्षणपछि रामपुरबासी दंग परेका छन् । अब पर्यटकको संख्या बढ्ने र गाउँको आर्थिक स्थितिमा सुधार आउने उनीहरुको आसा छ ।