बलात्कार अभियोगमा बाजुरामा एक पक्राउ
वि.सं.२०७५ माघ २ बुधवार १४:४८
shares

बालिका बलात्कारको आरोपमा प्रहरीले बाजुराको बुढीगंगा नगरपालिका–८ नुवाकोटका ४७ वर्षीय दलबहादुर थापालाई पक्राउ गरेको छ ।
थापाले १२ वर्षीया बालिकालाई गोठमा भैँसीलाई पानी र घाँस हाल्न गएको बेलामा बलात्कार गरेको जिल्ला प्रहरी कार्यायमा पीडितकी आमाले उजुरी दिएकी थिइन ।
उजुरीपछि थापालाई पक्राउ गरी हिरासतमा लिएर अनुसन्धान थालिएको प्रहरी नायब उपरीक्षक उद्धवसिंह भाटले जानकारी दिए ।

























