काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

समायोजनका लागि ७३ हजार कर्मचारीको आवेदन

10.5K
shares

७३ हजार ३ सय ३० कर्मचारी समायोजनका लागि इच्छुक देखिएका छन् । संघ, प्रदेश र स्थानीय तहमा समायोजन हुन उनिहरुले अनलाइन फाराम भरेका छन् ।

निवेदनको म्याद बुधबार सकिँदैछ । संघीय मामिला तथा सामान्य प्रशासन मन्त्रालयका अनुसार ६२ हजार ४६ जनाको फाराम दर्ता भइसकेको छ भने ११ हजार २ सय ८३ जनाको फारम सफ्टवेयरमा पोस्ट हुन मात्रै बाँकी छ । बुधबार राति १२ बजेसम्म कर्मचारीले फारम पोस्ट गर्न सक्नेछन् ।

समायोजन अध्यादेशले वृत्ति विकासमा बाधा पुग्ने भन्दै कर्मचारी आन्दोलित भएपछि सरकारले संघीय निजामती कर्मचारी ऐनमा माग समेट्न तयार भएको थियो । सरकारको लचकतापछि समायोजन प्रक्रिया सहज भएको हो । परराष्ट्र, लेखापरीक्षण र न्याय सेवाका करिब ४ हजार कर्मचारी भने संघीय सरकार मातहतमा रहने भएकाले समायोजन प्रक्रियामा जानु पर्दैन ।

सरकारले संघमा ४७ हजार ९ सय २०, प्रदेशमा २२ हजार ७ सय ५५ र स्थानीय तहमा ६७ हजार ५ सय ३ जना कर्मचारीको दरबन्दी कायम गरेको छ । सोहीअनुसार कर्मचारी समायोजन हुने मन्त्रालयले जनाएको छ ।