काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

ठूलो परिमाणमा रत्नपत्थर बरामद

14.87K
shares

जिल्ला प्रहरी कार्यालय सुर्खेतले ठूलो परिणामा बहुमूल्य रत्नपत्थर बरामद गरेको छ । यही माघ ३ गते राति करिब १ बजेतिर कालीकोटबाट सुर्खेततर्फ आउँदै गरेको बा १९ च ३५७२ नम्बरको स्कारपियोबाट चेकजाँचका क्रममा उक्त रत्नपत्थर फेला पारेको हो ।

जिल्ला प्रहरी कार्यालय सुर्खेतका अनुसार वीरेन्द्रनगर-१ बाङ्गेसिमल चेक प्वाइन्ट भन्दा करिब ५ सय मिटर अगाडि विशेष सुराकीको आधारमा चेक जाँच गर्ने क्रममा गाडिमा लुकाई राखेको बुहुमूल्य ढुङ्गा रत्नपत्थर ११.५०० किलो ग्राम बरामद गरिएको प्रहरीले जनाएको छ ।

प्रहरी सहायक निरिक्षक विजय पुनको नेतृत्वको टोलीले विशेष सूचनाका आधारमा उक्त बहुमूल्य ढुङ्गा बरामद गरेको हो । घटनामा संलग्न पाँचजनालाई प्रहरीले नियन्त्रणमा लिई शुक्रबार सार्वजनिक गरेको छ ।

वीरेन्द्रनगर-४ सुर्खेतका ४० वर्षीय भिमबहादुर सुनार, सोही स्थानका ३० वर्षीय नविन कँडेल सोही स्थानका २८ वर्षीय सुरेन्द्र शाही, बराहताल-८ का २६ वर्षीय भक्तबहादुर पाण्डे र बराहताल-८ कै ३२ वर्षीय तेजेन्द्र बस्नेतलाई जिल्ला प्रहरी कार्यालय सुर्खेतले नियन्त्रणमा लिएको प्रहरीले जानकारी दिएको छ । प्रहरीका अनुसार घटनाका सम्बन्धमा थप अनुसन्धान भइरहेको छ ।