काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सुर्खेतबाट पुनः श्रम स्विकृती सुरू

17.2K
shares

वैदेशिक रोजगारीमा एकपटक गइसकेका र घरबिदामा आएकाहरुका लागि आइतबारदेखि सुर्खेतमै पुनः श्रम स्विकृती शुभारम्भ भएको छ ।

आइतबार श्रम तथा रोजगार कार्यालय सुर्खेतले पुनः श्रम स्विकृतीको शुभारम्भ गरेको हो । पुनः श्रम स्विकृतीका लागि अनलाइन फर्म पनि भर्न सकिने कार्यालयले जानकारी दिएको छ ।

श्रम तथा रोजगार कार्यालय सुर्खेतमा अन्य नयाँ श्रम स्विकृतीको कामका लागि केही समय लागे पनि पुनः श्रम स्विकृतीको काम भने आइतबारदेखि सुरु हुने कार्यालयका प्रमुख श्यामकृष्ण आचार्यले बताए ।

‘पुनः श्रम स्विकृतीको काम मात्रै हामीहरुले कार्यालयमा आजैका मितीबाट गर्नेछौं । नयाँ श्रम स्विकृतीको काम बिस्तारै शुभारम्भ हुनेछ,’ आचार्यले भने ।

पुनः श्रम स्विकृतीको लागी बिमा तथा कल्याणकारी कोषको १५ सय बाहेक कुनैपनी रकम नलाग्ने आचार्यले जानकारी दिए । ‘पछिल्लो समय विभिन्न रोजगारीको बाहानामा नेपाली दाजुभाई तथा दिदिबहिनीहरु ठगिने गरेका छन्,’ उनले भने, ‘त्यसका लागि कार्यालयको वेबसाइट (WWW.dofe.gov.np) मा गएर सम्पूर्ण कुराको जानकारी प्राप्त गरी ठगीनबाट बच्न सकिने छ ।’

आफ्नो श्रम स्विकृती भए नभएको जानकारी, आफू रोजगारीका लागि जान लागेको कम्पनीले कामको आह्वान गरे नगरेको र पठाउँन लागेको मेनपावर कम्पनीले पनि आव्हान गरेको कामको सत्यताबारे जानकारी प्राप्त गर्न सकिने कार्यालयले जानकारी दिएको छ ।