भारतीय सहरमा हुन लागेको चुनावलाई लक्षित गरी नेपाल–भारत सीमामा संयुक्त गस्ती सुरु भएको छ । बाँकेको सीमामा खटिएको सशस्त्र प्रहरी बल र भारतीय सीमा सुरक्षा बल (एसएसबी) ले शुक्रबार र शनिबार संयुक्त गस्ती गरेका हुन् ।

सशस्त्र प्रहरी बल नेपाल ३० नम्बर गण हेडक्वाटर वागेश्वरीका गणपति (एसपी) भेषबहादुर शाह र एसएसबी बटालियन ४२ नम्बरको कम्पनी मुन्सीपुरुवाका कम्पनी कमाण्डर सुकुमारदेवा बर्माको संयुक्त टोलीले शुक्रबार २६ देखि २९ नम्बर जंगेपिलरसम्म संयुक्त गस्ती गरेको थियो । गस्तीमा २५ जना नेपाली र १६ जना भारतीय सुरक्षाकर्मी सम्मिलित थिए । भारतको बहराइच जिल्लामा सोमबार हुने चुनावलाई मध्यनजर गर्दै दशगजामा संयुक्त गरिएको हो । भारतमा भइरहेको लोकसभा चुनावलाई लक्षित गरेर शनिबार साँझ ६ देखि सोमबार साँझ ६ बजेसम्म बाँके र बर्दियाका नाका शिल हुँदैछ ।

प्रकाशित समय : २३:४१ बजे