सन्धिखर्क नगरपालिकाको नरपानीमा कार दुर्घटना हुँदा तीन जनाको मृत्यु भएको छ । गोरुसिंगे-सन्धिखर्क सडकखण्डको नरपानीमा बिहान ८ बजेतिर बा१७च ६९१७ नम्बरको कार दुर्घटना हुँदा तीन जनाको मृत्यु भएको स्थानीयले जानकारी दिए । कारमा सवार दुई जना घाइते भएका छन् ।

कार रुपन्देहीको सैनामैनाबाट सन्धिखर्क आउँदै गरेको जनाइएको छ । घटनामा दुई पुरुष एक महिलाको मृत्यु भएको छ । मृतकको पहिचान हुन बाँकी छ । घाइतेलाई उपचारका लागि प्राथमिक स्वास्थ्य केन्द्र पठाइएको प्रहरीले जानकारी दिएको छ ।

प्रकाशित समय : १७:१४ बजे