गृहमन्त्री लेखकलाई राजीनामा दिएर नैतिकता देखाउन कांग्रेस नेता कोइरालाको शुझाव
वि.सं.२०८२ जेठ १० शनिवार १४:४४
shares

काठमाडौँ । नेपाली कांग्रेसका नेता डा. शेखर कोईरालाले गृहमन्त्री रमेश लेखकलाई नैतिकताको आधारमा राजीनामा दिन सुझाव दिएका छन् ।
अध्यागमन विभागमा भएको भ्रष्टाचारका विषयमा गृहमन्त्रालय समेत शंकाको घेरामा रहेको चर्चा चलिरहेका बेला नेता कोईरालाको यस्तो धारणा सार्वजनिक भएको हो । विराटनगर विमानस्थलमा सञ्चारकर्मीसँग कुरा गर्दै उनले भ्रष्टाचारको विषयमा कुरा उठिसकेपछि गृहमन्त्रीले नैतिकताको आधारमा राजीनामा दिएर नैतिकता देखाउदै मार्ग प्रशस्त गर्न उपयुक्त हुने बताएका छन् ।
नेता कोईरालाले विगतमा पनि केही मन्त्रीहरुले राजीनामा दिएर छानविनमा सघाएको र मन्त्री लेखकले राजीनामा दिँदा उनकै नैतिकतामा सघाउ पुग्ने धारणा राखेका छन् । संबैधानिक निकायहरु सचिवहरुको रिटायरमेण्ट क्लब जस्तो बनेकाले कर्मचारीहरुको लागि कुलिङ पिरियड अत्यावश्यक रहेको नेता कोइरालाको भनाई छ ।

























