नेपाल विद्यार्थी संघ दोलखा काठमांडौ सम्पर्क समितिको सभापतिमा इन्जिनियर विजय बुढाथोकी मनोनित भएका छन् ।
सोमबार नेपाल विद्यार्थी संघ दोलखाका अध्यक्ष इन्जिनियर सौगात थापाले एक समारोहका बिच बुढाथोकीलाई सभापति मनोनित गरेका हुन् । दोलखाको शैलुङ गाउँपालिका स्थायी घर भई राजधानी काठमांडौ बसेर अध्ययन गरिरहेका बुढाथोकी लामो समयदेखि नेविसंघको विभिन्न भुमिकामा रहेर काम गरिरहेका थिए । काठमांडौस्थित हिलसाइड इन्जिनियरिङ कलेजको नेवि संघ इकाइ समिति सभापति समेत भैसकेका उनि इन्जिनियरिङ अध्ययन पुरा गरिसकेका विद्यार्थी नेता हुन् ।
उनि सभापति मनोनित भएसँगै नेपाल विद्यार्थी संघ दोलखा र काठ्मांडौमा रहेका विद्यार्थीबिच सहकार्य र समन्वयमा वृद्धि हुने नेवि संघ दोलखाले जनाएको छ । नव नियुक्त सभापति बुढाथोकीले पार्टी र आफ्नो संगठनको हितमा रहेर कार्यसम्पादन गर्दै नतिजामुखी परिणाम निकाल्न प्रयत्न गर्ने जनाएका छन् ।

प्रकाशित समय : १५:३४ बजे