काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सुदूरपश्चिमका मुख्यमन्त्री शाहले बर्खास्त गरे नेकपा एसका मन्त्री

4.2K
shares

सुदूरपश्चिम प्रदेश सरकारमा एकीकृत समाजवादीबाट मन्त्री बनेका नरेश शाहीलाई मुख्यमन्त्री कमलबहादुर शाहले बर्खास्त गरेका छन् । शाही प्रदेशको आर्थिक मामिलामन्त्री थिए ।

केन्द्रमा कांग्रेस माओवादीको गठबन्धन भंग भएर एमालेसहितको नयाँ गठबन्धन बनेपछि मुख्यमन्त्री शाहले उनलाई पनि हटाइएको जनाएका छन् ।

यसअघि माओवादी केन्द्रका तीन मन्त्रीलाई हटाइएको थियो । यस अघि बर्खास्त हुनेमा उद्योग पयर्टन वन तथा वातावरणमन्त्री रमेश धामी, सामाजिक विकासमन्त्री झपट साउँद र उद्योग राज्यमन्त्री गितादेवी माल रहेका छन् ।

योसँगै नेकपा माओवादी केन्द्रले सुदूरपश्चिममा नेपाली कांग्रेस नेतृत्वको प्रदेश सरकारलाई दिएको समर्थन पनि फिर्ता लिएको छ ।

सुदूरपश्चिम प्रदेशमा नेपाली कांग्रेसका १८, माओवादी केन्द्रका ११, एमालेका १०, नाउपाका ७, नेकपा (एकीकृत समाजवादी) का ४, राप्रपा एक र स्वतन्त्र एक जना सांसद छन् भने एउटा सिट रिक्त छ ।