आज तीन संसदीय समिति बैठक बस्दै
वि.सं.२०८० पुस २९ आइतवार ०८:४७
shares

संघीय संसद, प्रतिनिधिसभा अन्तर्गत आज तीन संसदीय समितिको बैठक बस्दैछ ।
आज कृषि, सहकारी तथा प्राकृतिक स्रोत समिति, शिक्षा, स्वास्थ्य तथा सूचना प्रविधि समिति र राष्ट्रिय सरोकार तथा समन्वय समिति बैठक बस्ने तय भएको हो । बिहान ११ बजे बस्ने राष्ट्रिय सरोकार तथा समन्वय समिति बैठकमा राष्ट्रिय सम्पदा अन्तर्गत राष्ट्रिय निकुञ्ज, आरक्षण र संरक्षित क्षेत्रको विद्यमान अवस्था र यसको संरक्षण सम्बद्र्धनमा सामुदायिक वन उपभोक्ता महासंघको भुमिका लगायत विविध विषयमा छलफल हुनेछ ।
त्यस्तै बिहान साढे ११ बजे बस्ने कृषि, सहकारी तथा प्राकृतिक स्रोत समिति बैठकमा गुठी पीडित मोहि किसानहरुको समस्या तथा गुठी सम्बन्धी कानून लगायतका विषयमा छलफल गरिने भएको छ । त्यस्तै सोही समयमा बस्ने शिक्षा समिति बैठकमा विभिन्न विद्यार्थी संघ÷संगठनहरुसँग विद्यालय शिक्षा सम्बन्धी कानूनलाई संशोधन र एकीकरण गर्न बनेको विधेयकका सम्बन्धमा छलफल गरिने बताइएको छ ।

























