सुन्डीखोलामा पुल निर्माण
नेपालीले एकबर्षमा ११ करोडको अचार बेचे
वि.सं.२०८० साउन २८ आइतवार १०:२९
6.8K
shares
shares
आर्थिक वर्ष ०७९/८० मा नेपालबाट १० करोड ९८ लाख ४४ हजार रुपैयाँ बराबरको अचार बाहिरिएको छ ।
एक आर्थिक वर्षमा १ लाख ६० हजार ६७२ किलो अचार निर्यात भएको भन्सार विभागको तथ्यांक छ । मुलुकबाट सबैभन्दा बढी अचार अमेरिकामा ३ करोड ८८ लाख १९ हजार रुपैयाँ बराबरको निर्यात भएको विभागले जनाएको छ ।
कोरियामा १ करोड ६८ लाख ९४ हजार, जापानमा १ करोड ६६ लाख ७६ हजार र अस्ट्रेलियामा १ करोड ३८ लाख ३८ हजार रुपैयाँ बराबरको अचार निर्यात भएको हो ।
बेल्जियम, क्यानडा, हङकङ, इटाली र लन्डनमा समेत नेपाली अचार निर्यात भएको विभागले जनाएको छ । आर्थिक वर्ष ०७८/७९ मा ३ करोड ८६ लाख ६४ हजारको अचार निर्यात हुँदा आर्थिक वर्ष ०७७/७८ मा ३९ लाख २२ हजार रुपैयाँको मात्रै अचार विदेश गएको छ ।
