काभ्रेको पनौती नगरपालिका–१ का वडा अध्यक्ष जय कुमार लामाले आफ्नो तलब भत्ता बापत आएको रकम विभिन्न सामाजिक काममा खर्च गरेका छन् ।

वडा अध्यक्ष लामाले आफ्नो नाममा आएको भत्ता वडा कार्यालयमा खुत्रुकेमा जम्मा गरेर विद्यालय र स्वास्थ्य चौकीलाई सहयोग गरेका छन् । लामाले वडाका विभिन्न विधालयका विधार्थीहरुलाई पोसाक, पाठ्य सामाग्री , फर्निचरका समान , साथै शिक्षकको तलब वापतको रकम र स्वास्थ चौकीमा कार्यालय सहयोगीको तलब र विभिन्न स्वास्थ सामाग्री दिएका हुन् ।

लामा वडा अध्यक्षको उम्मेदवारी घोषणा गर्दा आफु वडा अध्यक्ष भएमा आफुले पाउने तलब–भक्ता नलिने घोषणा गरेका थिए । सोही घोषणा स्वरुप उनले आफ्नो तलब भत्ता सामाजिक क्षेत्रमा सहयोग गरेका हुन् ।

निर्वाचनको समयमा भोट बटुल्नका लागि धेरै उमेदवारहरुले तलब भत्ता नलिने घोषणा गर्ने तर जितेर गएपछि लिने गरेको परिपेक्षमा आफुले त्यस्तो नगरेको वडा अध्यक्ष लामा बताउँछन् ।

प्रकाशित समय : १२:२९ बजे