नेपालले आफ्नो तेस्रो खेलमा वेस्ट इन्डिजसँग खेल्न लागेको हो । विश्वकप छनोटमा नेपालले आज पूर्वविश्वकप विजेता वेस्ट इन्डिजसँग प्रतिस्पर्धा गर्दै छ ।

नेपालले जिम्बाब्वेको हरारे स्पोर्ट्स क्लबमा आज दिउँसो १२ः४५ बजे वेस्ट इन्डिजसँग प्रतिस्पर्धा गर्न लागेको हो ।

वेस्ट इन्डिजलाई पराजित गरे नेपालले ऐतिहासिक सफलता पाउनेछ । टेस्ट राष्ट्रलाई पराजित गर्नु त्यति सहज भने छैन । नेपालभन्दा वेस्ट इन्डिज निकै बलियो टिम हो ।

योभन्दा अगाडी भएको खेलमा नेपाल घरेलु टिम जिम्बाब्वेसँग आठ विकेटले पराजित भएको थियो । तर, दोस्रो खेलमा अमेरिकालाई ६ विकेटले पराजित गर्दै नेपालले विश्वकप छनोटको सुपर सिक्समा पुग्ने सम्भावनालाई कायमै राखेको छ ।

नेपालले दुई खेलमध्ये एक खेलमा हार र एक खेलमा जित निकालेको छ । समूहको शीर्ष तीनमा पर्ने टोली विश्वकप छनोटको सुपर सिक्समा पुग्नेछ ।

समूह ‘ए’को शीर्ष स्थानमा जिम्बाब्वे रहेको छ । जिम्बाब्वेले दुई खेलबाट चार अंक बनाएको छ । एक खेलबाट दोस्रो स्थानमा रहेको वेस्ट इन्डिजको दुई अंक छ । नेपाल भने तेस्रो स्थानमा छ ।

कुशल भुर्तेल, आसिफ शेख, भीम सार्की, रोहितकुमार पौडेल (कप्तान), कुशल मल्ल, दीपेन्द्रसिंह ऐरी, आरिफ शेख, गुल्सन झा, सोमपाल कामी, करण केसी, ललितनारायण राजवंशी ।

भने, जिम्बाब्वेको कप्तान साई होप, रोभमन पावेल, शामर्ह ब्रुक्स, जोनसन चार्ल्स, जासन होल्डर, ब्रान्डन किङ, केमो पाउल, कायल मेयर्स, निकोलस पुरनलगायतका ब्याटरलाई आउट गर्न नेपाली बलरलाई अहिलेसम्मकै चुनौती हुनेछ ।

प्रकाशित समय : १०:४३ बजे