गृहपृष्ठ बजेट असन्तुष्टिबारे छलफल गर्न एकीकृत समाजवादी संसदीय दलको बैठक बस्दै
बजेट असन्तुष्टिबारे छलफल गर्न एकीकृत समाजवादी संसदीय दलको बैठक बस्दै
नेकपा एकीकृत समाजवादीको संसदीय दलको बैठक बस्दैछ । दिउँसो २ बजे बस्ने बैठकमा बजेटप्रति पार्टीका सांसदहरूको असन्तुष्टिबारे छलफल हुनेछ ।
बजेटमा असमानता रहेको भन्दै पार्टीका उपाध्यक्ष राजेन्द्र पाण्डेसहितका नेताहरू सरकारसँग असन्तुष्ट छन् । बजेट नसच्चिए सरकार छोड्नेसम्मको धम्की उनीहरु दिइरहेका छन् ।
पार्टी अध्यक्ष माधवकुमार नेपालले पनि सुरुमा बजेटप्रति असन्तुष्टि जनाएका थिए तर पछि प्रधानमन्त्री प्रचण्डसँगको छलफलपछि उनी सकारात्मक देखिएका छन् । तर पार्टीका सांसदहरूले बजेट संशोधन नभए समर्थन गर्न नसक्ने चेतावनी दिइरहेका छन् ।
प्रकाशित समय : १०:४२ बजे
