आगामी मङ्सिर १ गते राप्ती नदी दिवस मनाइँदै
गर्जन,चट्याङसहित वर्षाको सम्भावना
वि.सं.२०७९ चैत २५ शनिवार ०८:१५
7.37K
shares
shares
हाल देशमा स्थानीय वायुको साथै पश्चिमी वायुको आंशिक प्रभाव रहेको छ। मौसम पूर्वानुमान महाशाखाका अनुसार शनिबार कोशी प्रदेश, मधेस प्रदेश र बागमती प्रदेशमा आंशिक बदली रही बाँकी भू–भागमा मौसम आंशिक बदलीदेखि सामान्यतया सफा रहने छ। कोशी र गण्डकी प्रदेशको पहाडी भू–भागका एक–दुई स्थानमा मेघ गर्जन,चट्याङसहित हल्का–क्षणिक वर्षाको सम्भावना रहेको छ।
त्यस्तै आइतबार देशका पहाडी भू–भागमा आंशिक देखि सामान्य बदली रही बाँकी भू–भागमा मौसम आंशिक बदलीदेखि सामान्यतया सफा रहने छ। सुदूरपश्चिम प्रदेश, कर्णाली प्रदेश र गण्डकी प्रदेशको पहाडी भू–भागका थोरै स्थानहरूमा र बाँकी प्रदेशको पहाडी भू–भागको एक–दुई स्थानमा मेघ गर्जन–चट्याङसहित हल्का–क्षणिक वर्षाको सम्भावना रहेको छ।
