सोमबार सेयर बजार १५.६१ अंकले घटेको छ । नेपाल स्टक एक्सचेन्जको अनुसार सोमबार सेयर बजार घटेर १९५०.३७ अंकमा पुगेको छ ।

आज कारोबारमा आएका १३ वटा समूहगत परिसूचकमध्ये म्युचुअल फण्ड समूहको परिसूचक ०.२४ प्रतिशत र व्यापार समूहको परिसूचक ०.१६ प्रतिशतले बढेको छ भने बाँकी सबै समूहको परिसूचक घटेको छ । यस दिन वित्त समूहको परिसूचक सर्वाधिक १.५१ प्रतिशतले घटेको छ । त्यस्तै, उत्पादन तथा प्रशोधनको १.४१ प्रतिशत, विकास बैंक समूहको परिसूचक १.३८ प्रतिशत, जलविद्युत समूहको परिसूचक १.२२ प्रतिशत र अन्य समूहको परिसूचक १.१३ प्रतिशतले घटेको छ ।

नेप्सेको अनुसार आज ३७ लाख ६१ हजार २९९ कित्ता सेयर किनबेच हुँदा एक अर्ब ४९ करोड ४३ लाख रूपैयाँको कारोबार भएको छ । जसमा सबैभन्दा धेरै हिमालयन डिस्टिलरीको १६ करोड ४३ लाख रूपैयाँ बढीको कारोबार भएको छ ।

यसरी बजार घट्दा पनि खप्तड लघुवित्त, गरिमा डिबेन्चर र नेपाल ल्युब आयल क्रमश: रुपमा सबैभन्दा बढी कमाउने तीन कम्पनी भएका छन् । यस्तै, सबैभन्दा बढी गुमाउनेमा तीन कम्पनीमा क्रमश: सिनर्जी पावर डेभलपमेन्ट, ओरियन्टल्स होटल र जानकी फाइनान्स रहेको छ ।