आगामी मङ्सिर १ गते राप्ती नदी दिवस मनाइँदै
खाेटाङमा एमालेका विशाल भट्टराईलाई पराजित गर्दै माओवादीका रामकुमार राई निर्वाचित
वि.सं.२०७९ मंसिर ८ बिहीवार १४:३२
10.73K
shares
shares
खोटाङमा नेकपा माओवादी केन्द्रका रामकुमार राई पासाङ निर्वाचित भएका छन् । उनले नेकपा एमालेका विशाल भट्टराईलाई पराजित गरेका हुन् । जिल्लामा एक मात्र निर्वाचन क्षेत्र रहेको छ ।
राईले ३१ हजार ३५१ मत पाए भने उनका निकटत प्रतिद्वन्द्वी भट्टराईले २८ हजार ६८५ मत पाएका छन् । २०७० र ०७४ मा लगातार दुई कार्यकाल जितेको एमालेले यसपटक आफ्नो किल्ला गुमाएको छ । दुई कार्यकाल नै भट्टराईले जितेका हुन् ।
पहिलो संविधानसभा निर्वाचनमा माओवादी केन्द्रले जितेको क्षेत्र हो । राई २०६४ मा भएको पहिलो संविधानसभा निर्वाचनमा खोटाङ-१ बाट निर्वाचित भएका थिए । संविधान जारी भएपछि २०७४ को प्रदेशसभा निर्वाचनमा उनी खोटाङ १ (ख) बाट निर्वाचित भएका थिए ।
राई प्रदेश १ को खानेपानी, सिंचाइ तथा ऊर्जामन्त्री पनि हुन् ।
