महागरपालिकाले कर तिर्न २४ घण्टे अल्टिमेटम दिएपछि राजधानीको भृकुटीमण्डपस्थित काठमाडौं फनपार्कले करबापत १७ लाखभन्दा बढी रुपैयाँ बुझाएको छ ।

काठमाडौं महानगरपालिकाका राजस्व विभाग प्रमुख शिव अधिकारीका अनुसार फनपार्कले महानगरपालिकालाई बिहीबार १७ लाख ३६ हजार रुपैयाँ कर बुझाएको छ । राजस्व विभाग प्रमुख अधिकारीका अनुसार मनोरन्जन करवापत फनपार्कले उक्त रकम बुझाएको हो ।

फनपार्कले साउनसम्मको कर तिरेको जानकारी राजस्व विभाग प्रमुख अधिकारीले दिए । यसअघि महानगरले २४ घन्टाभित्र सबै कर तिर्न फनपार्कलाई निर्देशन दिँदै नत्र बन्द गर्ने चेतावनी दिएको थियो ।

प्रकाशित समय : १८:४१ बजे